Jose Mourinho don come back oh! De guyman don come back wit enuf drama as hin don enta Chelsea again come yarn say de 'Special One' wey don show again for de second time as Chelsea don become de 'Happy One' for de Premier League club wey hin dey like die.
About 250 repotas from England and outside sef plus plenti telefision pipu manage enta room for Stamford Bridge make dem take hear wetin de Portugal coachi go yarn.
"If i go carri nikname for dis time, I go wan chose 'de Happy One' becos i dey jolly well well," Mourinho yarn.
"Time dey waka oh, E jus be like yesterday wen i lif hia, but na nine years wey don pass be dat wey i fes show for hia as manaja," Hin tok as camera just dey snap am anyhow.
"Na de same parade get me, I be de same pesin," de foma Real Madrid and Inter Milan manaja yarn repotas, come add say na de same mind hin get like bifor.
"I go kuku yarn say me dey jolly. Na de fs time wey i go show for club wey i don alreadi like. Bifor bifor, na to enta club,come like de place, but hia i don like am bifor i show sef."
No hay comentarios:
Publicar un comentario